मिति परिवर्तन
जागृत साकोसको बार्षिक समिक्षा तथा अन्तरक्रियात्मक कार्यक्रम सम्पन्न |
मिति २०८३/०४/१५ गतेका दिन यस संस्थाको आयोजनामा यस संस्थाका संचालक , लेखा , सल्लाहकार समिति तथा अन्य सम्पूर्ण उपसमिति बिच बार्षिक समिक्षा तथा अन्तरक्रियात्मक कार्यक्रम सम्पन्न भएको छ | कार्यक्रममा दोहोरो अन्तरक्रिया तथा ब्यापक रुपमा छलफल सल्लाह सुझाब समेत आदान प्रदान गरिएको थियो |
सोहि अवसरमा संस्थाका संस्थापक सदस्य तथा वर्तमान सल्लाहकार समितिका संयोजक भोलानाथ खड्गी र सल्लाहकार समितिका सदस्य हिम बहादुर खड्कालाई संस्थाको लागि गरेको योगदानको उच्च मुल्यांकन गर्दै सम्मान गरियो |
संस्थाका अध्यक्ष ज्ञान प्रकाश शर्माको अध्यक्षता , निबर्तमान अध्यक्ष किशोर कुमार हमाल को प्रमुख आतिथ्यतामा सम्पन्न कार्यक्रमको संचालन तथा प्रगति प्रस्तुतिकरण संस्थाका सचिव कल्पना सेजवालले गर्नुभएको थियो |
शैक्षिक सामग्री वितरण कार्यक्रम
मिति २०८३ साउन १४ गते
जागृत बचत तथा ऋण सहकारी संस्थाको आयोजनामा सिद्ध आधारभूत विद्यालयमा कक्षा १ देखि ४ सम्मका ४२ जना विद्यार्थीलाई शैक्षिक सामग्री वितरण गरिएको छ।
विद्यालय व्यवस्थापन समितिका अध्यक्षको अध्यक्षता तथा संस्थाका निवर्तमान अध्यक्ष किशोरकुमार हमालको प्रमुख आतिथ्यतामा सम्पन्न कार्यक्रममा संस्थाका अध्यक्ष ज्ञानप्रकाश शर्माले कार्यक्रमको उद्देश्यबारे प्रकाश पार्नुभएको थियो। कार्यक्रमको सञ्चालन जागृत साकोस सचिव कल्पना सेजवालले गर्नुभएको थियो।
शैक्षिक सामग्री पाएपछि ससाना विद्यार्थीहरू अत्यन्तै उत्साहित देखिएका थिए भने अभिभावकहरूले विद्यालयको भौतिक पूर्वाधार सुधारका लागि सम्बन्धित निकायबाट निकट भविष्यमा न्यायोचित व्यवस्थापन हुने आशा अपेक्षा राखेका छन्। कार्यक्रममा स्थानीय समुदाय र अभिभावकहरूको उल्लेखनीय उपस्थिति रहेको थियो ।
सहकारी शिक्षा कार्यक्रम सम्पन्न
यस संस्थाको शिक्षा उप समितिको आयोजनामा मिति २०८३/०२/१० गतेका दिन संस्थाका करिब ३५ जना शेयर सदस्यहरुको सहभागितामा "सहकारी शिक्षा अभिमुखिकरण" कार्यक्रम संस्थाको हलमा सम्पन गरियो |
६९औं राष्ट्रिय सहकारी दिवस सम्पन्न
मिति २०८२/१२/२०
जागृत बचत तथा ॠण सहकारी सस्था शानपा ४ साहुटोलको आयोजनामा कुपिन्डेताल परिसरमा सरसफाइ कार्यक्रम सहित फोहर मैला ब्यबस्थापनका लागि कुहिने र नकुहिने फोहर फाल्ने भाडा ( डस्ट्बिन) हस्तान्तरण गरियो ! साथै २०८३ सालको भित्ते पात्रो बिधिवत रुपमा बिमोचन सहित बार्षिक समिक्षा र २०८३ सालको शुभकामना आदानप्रदान गरियो !
.jpg)
