२० चैत्र २०७७ , जागृत वचत तथा ऋण सहकारी संस्था शारदा नगरपालिका ४ साहुटोल सल्यानले “मर्यादित व्यवसाय र प्रविधिमा सहकारी” भन्ने मूल नाराका साथ ६४ औं राष्ट्रिय सहकारी दिवश विभिन्न कार्यक्रमका साथ मनाएको छ ।
प्रतियोगितामा एम.एम.ऐकेडेमी प्रथम, ज्योतिपुञ्ज ऐकेडेमी द्धितिय र म.र.मा.वि. पिपलनेटाले तृतिय स्थान हाँसिल गर्न सफल भएका छन । प्रतियोगिहरुलाई नगद तथा स्टेशनरी पुरस्कार वितरण गरिएको छ ।
संस्थाका अध्यक्ष किशोर कुमार हमालको अध्यक्षतामा सम्पन्न कार्यक्रमको प्रमुख आतिथ्यता जिल्ला सहकारी संघ सल्यानका अध्यक्ष केशव सिंह श्रेष्ठको रहेको थियो । संस्थाका उपाध्यक्ष ज्ञान प्रकाश शर्माको स्वागत मन्तव्यवाट शुरु भएको कार्यक्रमको संचालन संस्थाका संस्थाका सचिव कल्पना सेजवालले गर्नुभएको थियो ।
त्यसैगरी, संस्थाका संस्थापक अध्यक्ष एवं सल्लाहकार समिति संयोजक कृष्ण वहादुर श्रेष्ठ र जेष्ठ सदस्य कल्याणकारी मञ्चका संयोजक भोलानाथ खड्गीले शुभकामना मन्तव्य व्यक्त गर्नुभएको थियो । कार्यक्रममा संस्थाका शेयर सदस्यहरु, संचालक तथा विभिन्न उप समितिका पदाधिकारी र विभिन्न विद्यालयका शिक्षक तथा विद्यार्थीहरुको सहभागिता रहेको थियो ।
No comments:
Post a Comment